الثلاثاء، 25 مايو 2010

نظره




كانت اول مره بجد تحس انها كبرت

اه صحيح طول النهاربتفضل تبص لنفسها فى المرايه

و تتفرج على جسمها اللى بدأ شكله يتغير

و بتحس بأحاسيس غريبه بدأت تحسها و مش عارفه تلاقيلها معنى

بس من اللحظه اللى لمحت فيها نظراته ليها

حست انها اتغيرت و انها كبرت بقت انثى او Female زى ما بيقولوا

بدأت من اللحظه دى تفهم ليه كل اللى بيشوفها بتفضل عينه عليها و مركز معاها

نظراته ليها خلتها تاخد بالها انها حلوه و جميله و انها مرغوبه

اصل المره دى كانت النظرات واضحه قوى و صريحه جدا

نظرات حست انها عرتها من جواها و كشفتها قوى

مبسوطه هيا قوى باكتشافها ده و طايره بيه من الفرح

و من ساعتها و هى بتدور عليه و على نظراته فى عيون كل البشر

بس للاسف مش لاقياها

بس يحسب للعيون دى ان نظرتها كانت البدايه

هناك 52 تعليقًا:

لــــ زهــــــراء ــــولا يقول...

اولامليون مبرووووووك على المدونه
ثانيا شيك اوى اوى الاستايل يسلم الذوق
ثالثا عاوزه اعرف بس مين الولد ومين البنت
رابعا ده تحيه كده وجايه اقول مبروك اما الكومنت هاكتبه على هدووووووووووووووء

زهــــــــراء

بنت وولد يقول...

زهراء

بما انك انتى اللى قصيتى الشريط
يبقى انتى بقيتى صديقه المدونه
الولد و البنت هما كل ولد و بنت فى دنيتنا حنناقش مشاعرهم و احاسيسهم و نحكى مواقف اتعرض لها الولد و البنت من اول ما بدأوا يحسوا يعنى ايه ولد و يعنى ايه بنت

ميرسى على اهتمامك و زيارتك

لــــ زهــــــراء ــــولا يقول...

ثانكس انى بقيت صديقة المدونه وشكلى هابقى الصديه الوحيده المفروض بقى تعملوا لى تخفيض على الاسعار هههههههههه

اول مره البنت بتحس بمشاعر الانثى بيكون السبب فيها ولد
اول مره البنت الصغيروه بتحس انها بقيت انسه ويتحرك فيها مشاعر بيكون السبب فى كده ولد
من الاخر الحياه هى عباره عن بنت وولد

نظره فكرتنى بيوسف ادريس وقصته القصيره نظره طبعا مع الاختلاف فى مضمون القصتين .....

اول نظره بيكون لها طعم وماذق وعصب انها تتنسى
ايه رايكم ادخل كل يوم اعمل كومنت هنا مش انتم قولتم انى صديقه استحملوا صداقتى
بصراحه فرحانه بالمدونه دى جدا جدا

زهـــــــــراء

ليله شتاء يقول...

السلام عليكم
مبروك المدونة
وأهلا بيكي فى عالم التدوين

بنت وولد يقول...

لـــولا وزهـــراء

الحياه من يوم ربنا خلقها و هيا ولد و بنت
ربنا خلق حوا من ضلع ادم و جعلهم سكن لبعض و حببهم فى بعض
و لولا الولد و البنت مكانتش الحياه اتعمرت و لا الدنيا بقت زى ما هيا دلوقت


منورانى

بنت وولد يقول...

ليله شتاء

ميرسى لذوقك يا قمر
و مستنيه رأيك فى البوست

-_- يقول...

مبروك المدونة

بنت وولد يقول...

Sharm

الله يبارك فيك و ميرسى على الزياره

VÖltaa يقول...

مبرووك

شكلها هتبقى حاجة حلوة ان شاء الله

امنياتى بالتوفيق

AHMED SAMIR يقول...

مبروك المدونة
ارجو ان تقبليني صديقا للمدونةوادعوكي لزيارة مدونتي المتواضعة
الأغلبية الصامتة

بنت وولد يقول...

VOltaa

الله يبارك فيك
و ان شاء الله تبقى حلوه بتشريفكم ليها
ربنا معاك فى المذاكره

بنت وولد يقول...

AHMED SAMIR

اهلا بحضرتك و مرحبا بيك صديقا للمدونه

من كل بستان زهرة يقول...

البنت هي الحياه هي الأمل هي الجمال

الولدهو القوه هو الأمان

مبرووووووك على المدونه
ذوقك هادي وكلماتك مريحه

أسعدك الله

Noha Saleh يقول...

الف مبروك
واضح انها هتكون مدونة رائعة منذ البداية
وفى انتظار المزيد من التدوينات

بنت وولد يقول...

من كل بستان زهرة

الولد و البنت اساس الحياه

كلامك قريب من افكارى قوى

واضح اننا حنبقى اصحاب

منورانى

بنت وولد يقول...

Noha Saleh

كلامك فرحنى

و يارب نكون عند حسن ظنك دايما

تحياتى

أحــوال الهـوي يقول...

مبروووك علي المدونه

و نرجو لك التوفيق و الازدهار و نكسب مدون متمكن ذو رؤية و ثقافه


موضوعك اشعر انه يتكلم بنفسية البنت اكثر من الولد


و من الجميل ان تتكشف لنا مدي و جهة نظر الاخر

تحياتي

بنت وولد يقول...

أحــوال الهـوي

منورنا يا دكتور
طبعا احنا بدأنا بالبنت اولا من منطلق الذوق و الاتيكيت
انتظر الولد بقى قريب ان شاء الله
بس انت من الاول شكلك متحيز ليه
ههههه


منورنى

شفـقــة و إحســــان يقول...

مبروك على المدونة
اسمها حلو اوى وعاجبنى وياريت تناقشى فيها كل شىء يخص فعلا البنت والولد
كمان البوست اسلوبه حلو وغاية فى البساطة
ويا سيدى على البنت لما بتحس انها انثى الدنيا ما بتسعهاش ولما تحس انها مرغوب فيها دى بقى الدنيا وما فيها

بنت وولد يقول...

شفـقــة و إحســــان

ايه الكلام الحلو ده كله
ياريت نبقى عند حسن ظنك فينا

ميرسى ليكى
و يارب اشوفك هنا على طول

momken يقول...
أزال المؤلف هذا التعليق.
momken يقول...

حلوة اوى المدونه..... الف مبروك ويارب تستمر على طول... وتقدر فعلا تعبر عما يجول بخاطر كل ولد وبنت


وجميل اوى البوست ده يابنت وحلوة المشاعر الى قدرتى تعبرى عنها ببراعه وقدرتى تكثفى لحظات بتلخص صرعات وحورات تدور فى راس كل بنت فى سن الصبا
وبدايات الانوثه

دمتى بخير

تحياتى

بنت وولد يقول...

momken

منور المدونه يا فندم
و مبسوطه قوى ان الكلام عجبك
انت من الناس اللى بتعجبنى كتاباتك
و بتابعها باهتمام

ياريت نشوفك هنا على طول

منورنى

أمل حمدي يقول...

مبروك على المدونة

وأهلا بك في عالم التدوين

shimaa elkholy يقول...

مبروك على المدونه

اوك شوفت ردك على زهرا جميله الفكره اوي

بس يعنى دلوقتي انا لما احب اخاطب مصر اكلم مين
هههههههههههههههههههه

يعنى انت او انتى رادد عندي فى المدونه اتكلم مذكر ولا مؤنث
ههههههههههه

عموما مافيش مشكله من الردود واحساساتي بتقول اتكلم مؤنث لو فى اعتراض بلغونا بقى

تحياتي

سمكه واحده يقول...

اولا بعتذر عن التأخير
ثانيا انا جيت قلت هعلق علي عشرتاشر بوست كده ولا حاجه
بس كويس ان مفتنيش حاجه
البوست حلو اوي وفكره جديده وجميله
وبتحاول تعبر عن تفكير كل بنت في بدايات الانوثه
طبعا كلنا كلنا وبلاشك كنا بنبص في المرايه وكمان نرقص يعني محدش ممرش بالمرحله دي
ويجيب شعره يمين وشويه شمال ويحط من الميك اب بتاع مامته من وراها ويبهدلها الدنيا كمان
اهلا بيكي في عالم التدوين
مستنين افكار وافكار وموضوعات جميله وكتيره ان شاء الله
تحياتي

مي يقول...

مبروك المدونة وفى انتظار الابداااع
؛)

saragebaly يقول...

مبروك المودنة

اسمها حلو وفكرتها كمان حلوة

بالتوفيق ان شاء الله

تحياااتي

سارة

بنت وولد يقول...

ماما أمولة

ميرسى يا اموله
و يارب نكون عند حسن ظنك بينا

منورانى

بنت وولد يقول...

ندى الياسمين

اكيد انتى حسيتى ان اللى رد عندك فى المدونه بنوته جميله رقيقه
هههههههههههههههههه

المره دى طبعا واضح ان البوست بتاعنا ذو طابع انثوى يعنى حضرتك بتخاطبى البنت

اما تلاقى البوست صوته عالى و بشنب او دقن يبقى مش انا خااااااااالص
يبقى الولد بتاعنا هو اللى كاتب
و انا حاحاول اعمل اكونت ليا و اخليه يعمل اكونت ليه عشان مش تحتارى يا قمر

منورانى

بنت وولد يقول...

سمكه واحده

يووووووووه انتى حتقوليلى على علب الماكياج اللى باظت عند ماما بسببى و لا الروج اللى كنت واكلاه اول باول
هيييييييييييه تاريخ يا بنتى
هههههههههههههههههههههه

المهم ان البوست عجبك و انا مبسوطه بوجودك هنا

و انتظرى جديدنا قريب ان شاء الله

نورتينى

بنت وولد يقول...

مي

الله يبارك فيكى و ميرسى لتشريفك

منورانى

بنت وولد يقول...

saragebaly

ميرسى يا ساره على كلامك الحلو
اللى فرحنى قوى

منورانى

لــــ زهــــــراء ــــولا يقول...
أزال المؤلف هذا التعليق.
بنت وولد يقول...

لـــولا وزهـــراء


لولا


فين الجرأه دى بس
دى مشاعر انا و انتى و كل بنت حست بيها فى اول ايام تفتح زهره انوثتها

و بعدين يا لولا انا اجى ايه جنب كلمات اشعارك الناعمه الحالمه و الاكثر من جريئه
و مع كده انا بحبها قوى وبحب اقراها قوى

منورانى

صيدلانيه طالعه نازله يقول...

مبروك على المدونه الجديده
ذوقها جميل قوى و اللون التركواز مخليها شيك قوى
الموضوع كمان جميل و اكيد كلنا فى وقت من الاوقات حسينا نفس الاحساس ده

مستنيه موضوعاتكم
و ربنا يوفقكم

مع اجمل المنى

Ramy يقول...

مدونة جميلة و موضوع جميل

وأذن اللة هكزن متابع جيد ليكى بس اكتبى بس (:(:

حقيقى ان اى تغير فينا عموما مش بحس بية احنا لا اللى حوالينا هما اللى بيحسسونا بدة

دمتى على خير و بالتوفيق دائما

bentelghrob يقول...

الف مبروك المدونه
ويارب تستمتعى بعالم التدوين يارب
الله النظرات عرتها من جواها عجبتنى اوى
مش اى نظره تعرى البنى ادم
فعلا دى اول نظره باهتمام هيا الى كلمتك وحسستك بدا
النظره بردوا بتتكلم عندك حق
استمرى وان شاء الله نتواصل على طول وانا متبعاكى جدا
استيل م\دونتك مبهج وجميل تحياتى

لـــولا يقول...

يونيو, 2010 02:26 م

بنت وولد يقول...
لـــولا وزهـــراء
لولا
فين الجرأه دى بس


" اقولك فين ياقمر .."


>>> نظرات حست انها عرتها من جواها و كشفتها قوى
مبسوطه هيا قوى باكتشافها ده و طايره بيه من الفرح


دى مشاعر انا و انتى و كل بنت حست بيها فى اول ايام تفتح زهره انوثتها

" ليا تعليق ع النقطة دي تحت "



و بعدين يا لولا انا اجى ايه جنب كلمات اشعارك الناعمه الحالمه و الاكثر من جريئه

" اسفة اعترض على اخر وصف بالجرائة تابعي ردي ياقمر"


و مع كده انا بحبها قوى وبحب اقراها قوى

" اشكرك على تمسكك بالمتابعة "



منورانى

" بصي يابنوتة
لكلاَ منا اسلوبه في توصيل الفكرة للناس انا بتكلم عن الرومانسية في نقائها ومشاعرها الجميلة . بس ليا حدود حمرا حطاها مبتخطهاش
يعني مش اي شئ اتكلم عنه فيه حدود للكلام وده ينفي عني صفة الجرائة اللي تقصديها ... بالنسبة للاحساس اللي حضرتكِ/ حضرتك بتقول عليه حسينا بيه كلنا فالعموم مش في محله جايز انا نشأتي الدينية هي اللي فرضت عليا كدة وخلتني مبقاش فرحانة يعني من نظرات ساهمة تخترقني وديني علمني احمي نفسي وكرامتي بحجابي ازاي وان اي نظرة لجسدي مش هتفرحني بالعكس هتهين كرامتي ..
مش مختلفة معاكِ في اسلوب الطرح لأاااااا لكلا منا حريته واسلوبه كما قلت سابقاَ ومش معنى اني قلت انها جريئة يعني نقد لاذع ده ممكن يكون نقد في صالحك لان فيه البعض بيحب النوعية دي انا كلامي كنت بدرء بيه تهمة تم توجيها ليا بالابتذال ..بخصوص استخدام صوتي ونظرتكم لاشعاري انا مش هقيد حريتكم في تخيل اشعاري كل واحد بيتخيلها كما يشاء انا انا مش هقيد حريتهبس ميفرضش عليا اني اقصد بيها الابتذال ومش هيكمموا فمي عشان ميتهمونيش بالجراءة انا بستخدم صوتي لاني عاشقة للأذاعة مش بهدف ان صوتي يبقى حالم ربنا يعلم اني فكرت كتير اني مستخدمش صوتي بس ان كنت في يوم مذيعة هحط كمامة على صوتي عشان محدش يظن فيا ظن سئ؟!!!

واخيراَ احب ابدي اعجابي بألوان المدونة بجد يابنوتة تحفة تحفة تحفة والبحر عامل شغل رومانسي حلو

ملحوظة انا رديت ب لولا علشان كلامك كان موجه ليا ولاعمالي بصفة شخصية

بنت وولد يقول...

صيدلانيه طالعه نازله

ربنا يخليكى يا جميله
و يارب نعجبك دايما فى الموضوعات مش شكل المدونه بس

بنت وولد يقول...

samy

ميرسى على كلامك الحلو
وفعلا دايما احنا مش بناخد بالنا من اى تغيير بيحصلنا غير اما يحد يقولنا

تحياتى

بنت وولد يقول...

bentelghrob

ربنا يخليكى و تعيشى و تتابعينى دايما
و دايما منورانى فى بيتنا الصغير ده
تحياتى ليكى

بنت وولد يقول...

لـــولا

اولا نورتينى لتانى مره
و معلش بقى زعلناكى
بس دى غلطه ولد شريكى فى المدونه
عشان اناا كنت عايزه اعمل تنويه ان المدونه دى للى فوق 16 سنه
و هو قاللى بلاش مش مستاهله
بس على العموم المدونه موجوده و اللى يعجبه موضوعاتها اهلا و سهلا و اللى مش عجباه برضه اهلا و سهلا


نورتينا

لــــ زهــــــراء ــــولا يقول...

بنت وولد يقول...
لـــولا

اولا نورتينى لتانى مره
و معلش بقى زعلناكى س دى غلطه ولد شريكى فى المدونه..عشان اناا كنت عايزه اعمل تنويه ان المدونه دى للى فوق 16 سنه
و هو قاللى بلاش مش مستاهله
بس على العموم المدونه موجوده و اللى يعجبه موضوعاتها اهلا و سهلا و اللى مش عجباه برضه اهلا و سهلا


نورتينا

" لا ابداَ ولا يهمك ياستي ولا زعلتيني ولا حاجة دي غلطتي اللي دخلت وقلت انها جريئة المفروض كنت اصقف واكمم فمي .. المفروض كنتوا توزعوا علينا واحنا دخلين نعلق كمامات ادي تاني غلطة الولد غلطها .. والغلط ياستي مردود وملحوقة وياريت زميلك الولد ميبقاش يغلط تاني ويحط اليافتة . ولا على ايه انا عرفت انها مش لاقل من 16 سنة ولا اكبر من 20 سنة اختصري وقولي للمراهقين فقط ههههه سلام ياطنط والمدونة منورة بيكي والنور نورك B-)

لـــولا ياطنط

المجاهد الصغير يقول...

السلام عليكم
احساس جميل بس ؟؟؟
لابد لالا نترك نفسنا لهوى العيون والحب الزائف الذى يراود الفتيات فى هذه المرحه شئ جميل ان الانسان يحب ولكن نفكر جيدا هل يستحق هذا الاحساس ونتذكرا جيدا ان الله معى الله مطلع على
وجزاكم الله خيرا
ومبروك للمدونه وننتظر منكِ كل هادف ومفيد يفيد فعلا الولد والبت
ويبقى التواصل
دمتى فى رعايه الله

had-befham يقول...

مبروك المدونه
ومستنين باقى الحكايه

بنت وولد يقول...

لـــولا

ميرسى يا قمر كلك ذوق

منورانى

بنت وولد يقول...

المجاهد الصغير

اللى انا كتبته مكانش حب قد ما كان احساس وصل للبنت نتيجه النظره اللى شافتها فى عين الولد

سعدت بالزياره
و ياريت تتكرر

بنت وولد يقول...

had-befham

ان شاء الله تمكل
بس هيا مش قصه
هى حالات او مواقف بتعرض لها الولد و البنت فى بدايه شبابهم

دعواتك بقى الولد بتاعنا يرضى عنا
و يكتب بقى بوست جديد

منورنى

لــــ زهــــــراء ــــولا يقول...

العفو ياحبيبتي انا اتعلمت الذوق منك

لـــولا

لــــ زهــــــراء ــــولا يقول...
أزال المؤلف هذا التعليق.
Sahar Elgafary يقول...

بسم الله والصلاة علي رسول الله
مالذي قد فعلت عيناك
لما لم تبعدها عني
لما رأيتك مثل ظلي
لما خطوت الحدود اللي
لما وقعت بعمري عقدا
أأردت قتلي
ياكل الناس عندي
إن كنت يوما عرفت الرحيل
ورحلت عني بغير ذنب
فلما أرد مني اللقاء
أحببت في أن أموت بعمرك؟
وتمعت أن أسرت بدربك....
أسعدني المرور...