الخميس، 17 يونيو 2010

شغـــــف



ِِككل من فى نفس سنه حديث العهد هوبعالم الشباب ..
وقد غادر مرحله الصبا منذ برهه
قالت له جدته.. شنبك (طلع يا واد)...ويقول له عمه ابقى احلق دقنك
وتقول له خالاته وعماته( بقيت طولى)
اصبح اكثر خجلا من كلمه مزاح مخلوطه بمدح او غزل
كان شديد الحذر من الكلام مع الفتيات فى مثل عمره
خشيه ان يقولون عنه غير مؤدب او بتاع بنات
وسار دون ان يشعر او يخطط اكثر غلظه(معاها)
ومعاها هى تحديداً
..هى التى كان يلعب معاها بالامس القريب
وكثيرا ما دارت بينهما مشاحنات بسبب الالعاب
اليوم حين اصيب اثناء مباراه كوره انشغلت هى عليه...
بل كانت تساله كل ثانيه ان كان الجرح يؤلمه
يقول لا..ترد وتقوله : طيب معلش
يقول لها بقولك مش بيوجع .... تقوله.. برضو معلش
لمس فى نظرتها اهتمام
احس بحنانها يكتسحه واحس بضعفها الانثوى تجاهه يجتاحه ويستعمره ويحتويه ويميزه
برغم انها حاده وحاسمه وجافه مع الجميع الا هو
كانت عند حدوده تتبدل طباعها ..فهى اختارت طوعا ان تعشش بين فروعه وتسكن فى اغصانه
لم يعد بينهم هذا الصراع والتشاحن المستمر
لاحظ ايضا انها لم تعد تهدده فى كل شىء با ن تخبر امها
حتى عندما لاحظت انه يتفحصها بنظره حاده ابتسمت بخجل واختفت
يبدوا انها هى ايضاً كبرت و تغيرت
كان لا يشك فيها ابدا وليس لديه اى احساس بالريبه تجاهها
لم يكن يختبر اخلاصها بل كان يختبر الاخلاص بها
وهو كان يتعلم معها الوفاء ويزرع معها مشاعر لن ينال ثمارها غيرهم
وكان رغم خجله احيانا... يرمقها بنظره يخلع عنها عقلها ويكسيها شفتيه لولا مسحه من ايمانها
ماكانت لتقاوم نظرته

كان خياله يعرف كيف يلامسها.....كما يعرف خيال المؤمن شجر الجنه

بنفس الحراره كان يتمنى ان يحتضنها من الخلف...
تماماً كما يطارد الاديب جمله هاربه .. ويحتار عقله خلفها
كانت ابعاد جسده تعبرها ببطء متعمد ومدروس...
لا يتعدى حد الادب

استرجع هذا الشريط فى لحظه.. فعلم انه ربما قد كبر
وبعد ان كان صبى....صار ولد...وليس هناك ولد الا وله بنت
نعم بنت تفسر له معنى الحياه....وتطعمه فصوص السعاده
وتضفى عليه مزيداً من شبق الرجوله
وعبق الانوثه
وملامح المسئوليه

ولد

هناك 33 تعليقًا:

أم الخــلـود يقول...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

صيدلانيه طالعه نازله يقول...

استرجع هذا الشريط فى لحظه.. فعلم انه ربما قد كبر
وبعد ان كان صبى....سار ولد...وليس هناك ولد الا وله بنت
نعم بنت تفسر له معنى الحياه....وتطعمه فصوص السعاده
وتضفى عليه مزيداً من شبق الرجوله
وعبق الانوثه
وملامح المسئوليه



كل بنت تتمنى فى داخلها و فى قراره نفسها ان تجد الولد الذى يشاركها احلامها و حياتها بجنونها و شطحاتها
بدموعها و ضحكاتها
لتطعمه فصوص السعاده و تضفى عليه مزيدا من شبق الرجوله

كلامك جميل جدا
و مختلف جدا
و مميز جدا

دمت بود

Ramy يقول...

بوست جميل جدا جدا

بجد وصل الشعور الحقيقى للأتنين بس اتنين بحبوا بعض بجد مش بس لحلاوة التجربة

ابرزت معنى الحب الأول

تسلم الأيادى

لـــولا وزهـــراء يقول...

الصوره تحفه بجد كلها مشاعر عاليه اوى اوى تعبر عن ولد بيفكر فى ماضيه ومستقبله ويتمنى ان يجد تلك البنت التى تكمل معاه مشوار حياته ...

شغف هذا هو العنوان كيف لهذا الشغف ان يملا قلوبنا فى لحظات كثيره من حياتنا وكيف اننا فى لحظات خروجنا من الطفوله البريئه الى المراهقه التى يتضح فيها الكثير والكثير وكيف تتغير المشاعر تجاه الجميع وخاصة مشاعرنا تجاه الطرف الاخر ....

على فكره احييك على انتقائك الكلمات لانك قدرت ببساطه تعبر عن مشاعر كثيره يمر بها الصبى حينما يصبح شاب او وهو على ابواب فترة الشباب

تحيه لانك ببساطه امتلك كثير من ادواتك التى تعبر بها عن مشاعرك

زهـــــــراء

بنت وولد يقول...

حلو قوى هيا تقوله معلش سلامتك
و هو يقولها مش بيوجع

اصل كل بنت فى السن ده بتحاول تمثل دور الام و تمارس الحنيه مع من تحب
و الولد يحب يعمل جامد و خشن و انه مش بيتأثر قوى بالالم و ميحبش يظهره

زى ما اتكلمنا قبل كده احلى حب و اطهر حب و انقى حب هو حب المراهقه
رغم انه بيبقى بلا هدف محدد الا ان من يمرون به يعتبرونه هو الحب الكامل المكمل
المنزه عن الاخطاء و الاهواء

جميل قوى البوست يا ولد و الحمد لله انك جيت بقى عشان تونسنى
اصلى كنت حاسه بالوحده قوى و انا لوحدى


بنت

لـــولا وزهـــراء يقول...

حلوة .. جميلة

تسلم ايدك

لـــولا

سمكه واحده يقول...

فكرتيني وانا صغيره
كنت بزنق واد لون كده بشعر حلو كده واضرب فيه ضرب ينهار ابيض وربنا كنت بستني كل صيف يجي واروح عند تيته واشرب شوب لبن كبير عشان اكبر وابقي قويه عشان اعرف اضربه اه اتاري كان ده اعجاب بس بطرقتي انا منا مكنتش فاهمه سر الي انا بعمله ده ايه واشمعني ده بذات كنت شرسه بس كنت بترجمه للضرب ال يعني عشان مبنش اني ضعيفه
وان ده عيب وغلط وميصحش فكنتت بثبت لنفسي حاجه
الواد ده اضرب مني ضرب وشلوت وبونيات لا وايه اربي ضوافري كمان عشان اخربشه واديله وبعدها ابص عليه من بعيد ولما كان يجي يلعب رغم انه بروحه متعور بس العبيط كان بيرجع تاني زي المثل اللي بيقول ضرب الحبيب زي اكل معرفش ايه(:
هو لما كان يشوفني يجري يستخبي
الحكايه دي عمرها ما جت علي بالي او افتكرتها غير دلوقت حالا وانا بقري بوستك لما دورت في ذكرياتي
بوست تحفه بجد وتعبيراتك روعه
انتي مبدعه تسلم ايدك او انت
بالنسبه للمدونه كنت بلعب واتحذفت لوحدها ورضيت بالامر الواقع وكنت بودع بقي الناس قلت ربنا عاوز كده ومعرفتش ارجعها ورجعتها بالعافيه بس بيني وبينك لما اتقفلت قلت خلاص اصلي كمان انا بفك الخط بالعافيهواليومين اللي فاتوا زي متقولي المدونه زعلانه وحاسه بالاوضاع اللي حوليها
ومبسوطه اوي بأهتمامك
شكرا ليكي كتير

معلش رغيت كتير صدعتك
بس بجد البوست ده فكرني بحجات جميله وتضحك وعلي هبلي وعجبني اوي اوي كلامك
تحياتي

حاجات جوايا يقول...

بداية كده فكرة المدونة جميلة اوى
جميلة فكرة اظهار الملامح الخفية فى نفسية الولد والبنت فى بداية المراهقة
ربنا يوفقكم

تحياتى وتقديرى

sun of free dom يقول...

تدوينة روعة بالتوفيق

موجة يقول...

السلا عليكم ورحمة الله وبركاتة
دخلت المدونة صدفة
ولكنها كانت صدفة جميلة
ولاقيت بوست فى منتهى الروعة
الاسلوب رائع بجد
فى كلام مقدرتش انساه فى الكلمات الموجوده
زى مثلا
كان يختبر الاخلاص بها
بجد
سلمت يداك
ياريت تتقبل مرورى

بنت وولد يقول...

أم الخــلـود
ـــــــــــــــ

علم وجارى التفكير فى الامر وشكرا لمرورك الذى جاء بمحض الصدفه

تحياتى

بنت وولد يقول...

صيدلانيه طالعه نازله
ـــــــــــــــــــــ
متشكر جداً يا دكتور والله كلام حضرتك مشجع جداً انتى فعلا حد حساس وفاهم جداً تقبلى تحياتى لكل اهل الصعيد الجوانى




تحياتى

بنت وولد يقول...

Ramy
ـــــــــــ

متشكر جدا يا رامى من زوقك والله

حضرتك منورنا


تحياتى

بنت وولد يقول...

لـــولا وزهـــراء

ــــــــــــــــــــــ

متشكر جدا يا زهره على تعليقك المفيد جدا وده مش غريب على ناقده المدونات الاولى ...انتى الوحيده الى اخدتى بالك من اسم البوست وناس تانيه كتير بيتخطوا النقطه دى ببساطه بس واضح ان حضرتك مشاء الله بتقرى بوعى شديد

ربنا يزيدك ياستى


تحياتى

بنت وولد يقول...

بنت وولد
ـــــــــــــ

شطر الروح...دمتى فى غايه الرقه

تحياتى

بنت وولد يقول...

لـــولا وزهـــراء
ـــــــــــــــــــــ

الاستاذه لولا..طول عمرك صاحب واجب
عقبال مانزورك يوم فرحك


تحياتى

بنت وولد يقول...

سمكه واحده
ــــــــــــــ


بتزنقيه وهات ضرب فى عنيكى

لما كنتى بتضربيه كان وشك بجيب دم من كل حته ليه

وبتنادى على حد يحلقك ليه

انتى شكلك بق ياسمكه

متزعليش دى تدوبين والصراحه حلوة فى التدوين

على العموم انا فى منتهى السعاده انتى قلبت عليكى المواجع


تحياتى

بنت وولد يقول...

حاجات جوايا
ـــــــــــــــ

انا فى منتهى السعاده بالزياره الرائعه

واحب اعلن ان الفضل فى ظهور المدونه دى لبنت هى صاحبه الفكره والمجهود
وانا جاى معاها يا جماعه


تحياتى

بنت وولد يقول...

sun of free dom
ــــــــــــــــــ

لي هناك اروع من طلتك الجميله على صفحتنا المتواضعه

شكرا للمرور والتعلي الرقيق


منورانا

بنت وولد يقول...

موجة
ـــــــ

اهلا يابشمهندسه
دى صدفه نضيفه ان حضرتك تشرفينا
بس احنا فرحنين بالصدفه دى جدا

وسلامنا لكل اهل الشرقيه

وكل المهندسين


تحياتى

سمكه واحده يقول...

طب ليه بس الاحراج ده
ليه بس ادام الناس
خالي الطابق مستور مش تخليني اسرح شويه بيكم
ههههههه ماشي ماشي
لا والله كنت بضربه
مش بقلك واد لون كده ياعم الحج ميعجبكش

صيدلانيه طالعه نازله يقول...

صعيد جواااااااانى
ماشى ماشى
براحتك خالص يا سى ولد
انا ساكته بس عشان البنوته السكره اللى موجوده معاك هنا

يعنى بدأت الكلام حلو و ختمته احسن خاتمه الصراحه

Sharm يقول...

و نيل المطالب بالتمني
و لكن تؤخذ الدنيا غلابا

Timo.. يقول...

الله..
بجد طريقة تصوير اكتر من رائعة ولو اني اتمنيت انه البوست يكون اطول واعمق من كده عشان يكمل من مرحلة للتانية..
لانه بيرسم شخصيات اترسمت جوانا في وقت من الاوقات بريشة هادية وجميلة.
بوست رااااائع :)

داليـ ـ ـ ـ ـ ـ ــــا يقول...

رررررهيبه القصه
وليها مذاق طعم بشكل

انتا بتقول انها كانت حادة الطباع مع الكل الا انت

اكيد
البنت بتتعامل مع كل واحد حسب دوره يعنى تختلف معاملتها من ابوها لأخوها لزميلها لحبيبها

بس بجد قصه حلوه اووووى

تحياتى

love is life يقول...

بجد تسلمى على البوست الاكثر من
رائع اسلوبك ممتاز تحياتى ليكى
تقبلى مرورى

بنت وولد يقول...

سمكه واحده

ماشى يا ستى
مصدقينك من غير حلفان

منورانى

بنت

بنت وولد يقول...

صيدلانيه طالعه نازله

ههههههههههههه
دى اقل حاجه عندنا

منورانى
بنت

بنت وولد يقول...

Sharm

محسسنى اننا داخلين خناقه

ههههههههههههههههه

منورنى

بنت

بنت وولد يقول...

Timo..

القصه حتتوالى
مش بوست واحد بس
المدونه فكرتها كده
كل اللى نفسك فيه جااااااى جااااااااى
بس انت تابع و اصبر

منورنى

بنت

بنت وولد يقول...

داليـ ـ ـ ـ ـ ـ ــــا

مبسوطه قوى انها عجبتك
البنت فعلا بتعامل كل واحد فى حياتها حسب دوره و حسب اهتماممها بيه

منورانى يا جميله

بنت

بنت وولد يقول...

love is life

البوست ده كاتبه ولد
شريكى فى المدونه
بس انا برد بداله عشان مش فاضى

منورنى

بنت

الغاردينيا يقول...

أبداع قصصي

برافووووووو

استمتعت بها