الخميس، 8 يوليو 2010

مينفعش





ما كانش ينفع متحبوش

محدش شافه الا و حبه........و ليه لأ

وسيم.......شيك.......ابن ناس

من ساعه ما اتعين مدرس تربيه فنيه فى مدرستها

و هيا كل املها ان السنتين الباقيين فى اعدادى يخلصوا

عشان يبقى مدرسها فى اولى ثانوى

على الرغم من انه كان اخو صاحبتها الانتيم

الا انها كانت بتتكسف قوى اما تشوفه هناك فى بيت صاحبتها

و تتلخبط و يبقى حالها حاااااااااااااال

كتير قوى جمعتها معاه فرص للكلام لكن عمرها ما عرفت تستغلها

اصلها كانت بتحس انها صغيره قوى جنبه

و هو برضه عمره ما حسسها انه واخد باله منها

بس برضه كان ساعات ينكشها بالكلام و يعاكسها

و يتكلم عن حلاوتها و جمالها و شقاوتها

الكلام ده كان بيفرحها قوى و يخليها تحبه اكتر

كبرت البنوته اخيييييييييرا ووصلت اولى ثانوى

و بقت تلميذته لدرجه انها بدأت تحب الرسم اكتر من الموسيقى

اللى كانت بتعشقها عشان خاطره

بقوا اصحاب اكتر و قربوا من بعض اكتر

حتى بعد ماساب المدرسه و اشتغل فى مكان تانى

فضلوا يتراسلوا

و فى مره و هو فى اجازه من اجازاته و هما فى النادى

قالتله بحبك هو سمعها و سكت

و حكالها عن قصه حبه لواحده صاحبتها

هيا عشان بتحبه و كل همها انها تشوفه سعيد

تقبلت الموضوع لا و كمان رضيت انها تكون مرسال بينه و بين حبيبته

عدت الايام و محصلش نصيب بينه و بين حبيبته

و البنوته كبرت و دخلت الجامعه

و بقت حلم جميل يتمنى اى شاب انه يحلم بيه

مش بس يقرب منه

قاعده هيا فى بيتها بتذاكر لما رن جرس التليفون

جالها من بعيييييييييييييد صوت حبيبها القديم من بلاد بعيده

ردت عليه

سألها سؤال واحد بس

تتجوزينى؟؟؟

بس هيا مفكرتش كتير و كان ردها

اسفه

اللى كان ينفع زمان


للاسف مبقاش وقته دلوقت




بنت

هناك 53 تعليقًا:

إيمان يقول...

قصه جميله اوى فعلا
وواقعيه وومكن تحصل
ممكن يكون حبها الاول وهم لانها اعجبت بشخه ووسامته
بس كانت طفله
حاليا تفكيرها اتغير
واكيد هو انصدم
تسلمى بجد
تحياتى

Ramy يقول...

القصة واقعية جدا

و بتحصل كل يوم

و ردها عليه فى اخر القصة كان طبيعى

لان فترة ما هى حبته كان دة اعجاب اكتر من انه حب

و هى أكتشفت دة لما كبرت ودخلت جامعة

تسلم الأيادى و متغبوش كدة علينا ها (:

لــــ زهــــــراء ــــولا يقول...

قصه بتتكرر كتير اول حب فى حياة البنوته وبيكون اما ابن الجيران او المدرس او اخو صاحبتها او حد من العيله
بس المشكله ان البنت فى الوقت ده وفى السن والمرحله دى من حياتها بتكون عواطفها مش تماموز ويمكن مع مرور الوقت تكتشف انها كانت غلط او انها مشاعرها كانت مش ناضجه
المشكله اننا فى بعض الاحيان بنقول لا وبيكون نقصد اه بس احتمال يكون غباء مننا او اى حاجه تايه
تسلم الايادى اختصرتى فتره زمنيه طويله فى كلمات قليله

زهراء

شفـقــة و إحســــان يقول...

برافو عليها هايلة
رد ممتاز وسليم مية المية
القصة حلوة اوى

داليـ ـ ـ ـ ـ ـ ــــا يقول...

الدنيا متلغبطه اوى
بس قصه حلوه
وانا اصلا بموت واسمع قصص الحب

عايزنا نرجع زى زمان قول للزمان ارجع يازمان

تحياتى

мαησηα يقول...

والله جدعة فكرتنى باغنية اصالة

عايز الحق

لما بتقوله ..

جيت متاخر والايام مابتستناش

وبعدين يعنى هوفاكرها ايه قاعدة له

مستنية سيادته ما يفضى يبقى

يبص عليها ويفكر بقه

لا عاجبنى كبريائها بجد

تسلم اياديكى يا بنت

momken يقول...

فعلا برغم عذوبه علاقه اول حب

الى بيكون فى منتهى البراءه والعفه

بيكون حب افلاطونى زى ما بيقولوا

لكن فعلا كل وقت وله اذان

والى ينفع دلوقتى مينفعش بكره


قصه حلوة اوى يا بنت


تسلم ايدك


تحياتى

Story pain يقول...

أولاً عجبتني أوي فكرة المدونة..جميلة جدا حكاياتها وقريبة جدا من واقعناحتى في أسلوب كتابتها مش احداثها بس.


قصة الحب الأول اللي دايماً بتنتهي بكلمة( ماينفعش)..يمكن بتخدعنا مشاعرنا في الفترة دي لكن ماحدش ينكر أن براءة مشاعرنافيها وتفاصيلها مهما عشنا بعد كده قصص حب ..عمرها ما بتتكرر تاني.

في انتظار المزيد من قصصك الواقعية الرائعة.

سمكه واحده يقول...

يوووووووووه بتحصل كتشير كتشير
وخصوصا في سن الثانوي ولسه بقي البرأه والطفوله واي بنت تشوف اي حد تحب علي نفسها تفتكر انه هو ده وبعد سنين تفتكر وتضحك علي نفسها
والعكس
الاحساس والمشاعر والعقل وحجات كتير بتبقي لسه منضجتش كفايه

اسلوبك رائع ومختلف وطرحك للموضوع مميز جداااااا



تسلمي يا جميل

جوجو يقول...

السلام عليكم
جامدة جدا القصة دى
كرامتها اهم من اى شئ وده اختيار صح
تحياتى

Sahar Elgafary يقول...

بسمالله والصلاة علي رسول الله
قولي له :
لقد حان دق الأجراس
وعلي لأبواب
قد وقف الحراس..
أسعدني مروري...

سَارةٌ يقول...

قصه جميله جداا .. عجبني سردك ليها ..

فعلاً .. اللي كان ينفع زمان .. مبقاش وقته دلوقت ..

بنت وولد يقول...

emymony

تفكيرها اتغير اه
بس متنسيش كمان انه رفضها زمان
و فضل عليها واحده تانيه
و بالتالى ردها عليه كان فيه انتصار لكرامتها
نورتينى يا قمر

بنت

بنت وولد يقول...

Ramy

اكيد كل فتره عمريه
اهتمامتنا بتتغير حسب نضوج مشاعرنا
و اللى كان بيعجبنى النهارده
بكره مش حيبقى كده

دمت متابع

بنت

بنت وولد يقول...

لـــولا وزهـــراء

فعلا كتير قوى بنقول لا
و بيكون نفسنا نقول اه
بس كرامتنا و كبرياءنا بيبقى ليهم دور انهم يفرملونا و يوجهونا
انتى فهمتى النقطه دى كويس قوى

منورانى

بنت

بنت وولد يقول...

شفـقــة و إحســــان

مكنش ينفع رد تانى
كرامتها

تحياتى للثنائى المميز

بنت

بنت وولد يقول...

داليـ ـ ـ ـ ـ ـ ــــا


عايزنا نرجع زى زمان قول للزمان ارجع يازمان

هووووووووه ده اه هووووووووووووه ده
يا فاهمانى

بنت

بنت وولد يقول...

мαησηα

كنت عارفه ان انتصارها لكرامتها حيعجبك
عشان انا بحس من كتاباتك انك كده

منورانى يا قمر

بنت

بنت وولد يقول...

momken

لكن فعلا كل وقت وله اذان

فعلا
انت فى النقطه دى صح
دمت مشجعا
ربنا يخليك للغلابه يا جميل

بنت

بنت وولد يقول...

Story pain

اهلا ااهلا بكاتبه القصص المرعبه
ههههههههههه

انتى عارفه فعلا مشاعرنا فى الفتره دى مش بتتكرر تانى
بتكون نقيه و بريئه و طاهره قوى

منورانى يا جميله

بنت

بنت وولد يقول...

سمكه واحده

كلامك صح يا قمر
المشاعر بعد ما بتتغير
بنفتكر نفسنا زمان و نمووووووووت من الضحك

مش ناويه يا هانم تكتبى حاجه جديده و لا ايه
منتظره الجديد بقى

منورانى
بنت

بنت وولد يقول...

جوجو

ربنا يخليكى
انت بس اللى ذوق

منورانى

بنت

بنت وولد يقول...

khaitelharir

حاضر حقوله
بس اما ابقى اشوفه

منورانى

بنت

بنت وولد يقول...

حَـبآيـۃْ.بـטּـدۉڷ

ميرسى يا قمر
على تشريفك لينا

ممكن حبايه بندول بقى
ههههههههههههههههه

منورانى

بنت

اميرات الاسرار يقول...

السلام عليكم

قصه جميله جدا وبتشد الواحد اكتر وهو بيقرأها
والله تسلم ايديكى

ياريت تشرفينا فى مدونتنا
مستنينك

Noha Saleh يقول...

حلوة اوى
وحقيقية جدا وخصوصا النهاية لان فعلا فى ناس كتير سواء بنات او ولاد بيمروا بمشاعر زى كده ولما عقلهم بيكبر مشاعرهم بتتغير

بنت وولد يقول...

اميرات الاسرار
‏***********‏
كلامك جميل
ويارب دايما نكون عند حسن ظنكم
نورتينى


بنت

بنت وولد يقول...

noha saleh
**********
ببقى مبسوطه قوى لما الاقى
اللى بيقرالى مصدقنى و حاسس كلامى
لان ده معناه انى نجحت انى اوصل فكرتى

منورانى يا قمر

بنت

حاجات جوايا يقول...

اسفه
اللى كان ينفع زمان

للاسف مبقاش وقته دلوقت
...........
عجبتنى جدا جدا
احلام الصبا والمراهقة مش بيكون ليها اساس واحكامها غالبا بتكون خطأ
وكل ما الانسان بيكبر فكره بينضج ويعرف ايه اللى ينفع وايه اللى مينفعش

انا مش بلوم البنت فى الحكاية
انا بلوم مدرسها
حسيت ان هو المراهق مش هى
ايه المدرس اللى قاعد يحب فى البنات الصغيرة ده

جميل سردك يا بنوتة
يسلم قلمك حبيبتى

بنت وولد يقول...

حاجات جوايا

و الله يا سالى متقدريش تلومى حد
الحب اما بيجى مبيبقاش له معاد و لا وقت
بيجى كده و خلاص

و اما بنكبر فعلا بنلاقى مشاعرنا اتغيرت
و زى ما قال ممكن كل وقت و له ادان

و زى كلام داليا
عايزنا نرجع زى زمان
قول للزمان ارجع يا زمان


منورانى

بنت

Mona يقول...

جميلة وواقيعة - تحياتى

Kiara يقول...

جامدة جدااااااااا يابنت
فعلا اللي كان ينفع زمان مش بقي ينفع دلوقت:)

لــــ زهــــــراء ــــولا يقول...

اللى كان ينفع زمان




للاسف مبقاش وقته دلوقت

" جمييييييييييييييييييلة كلمتين لخصوا القصة الحلوة دي ..كل وقت وله ادانه ..وهي مش دمية مكان ما يحطها يرجع يلاقيها برافووووووووووووووو
"
لـــولا

باحث عن حب يقول...

الحب عمره
ما ينقص لو كان صادق
بجد
ممكن يضحى باى حاجه
بس هى اللى غلطانه انها قبلت انها تكون
استبن مجرد لو منفعش مع صاحبتها تبقى هى مكانها
حرام كده
هى اللى قبلت كده
على نفسها من الاول
هى لو عرفت انه
مش ليها من الاول
كان احسن
قصه جميله

Sahar Elgafary يقول...

نمقت الورد..وأضاءت الشمع...وأسكنت الهدوء في البيت...وضعت البارفان ..ورسمت أبتسامه رغم الأحزان..لكنه لايراها ...وبعدما فرت من هواه..جائها راكضا إياه...
مالذي يمكن أن تقول إلا(ماينفعش)؟!!!
سيسعدني مرورك....

ســـــــهــــــــــر يقول...

و رغم ان الحنين لا زال ( يجوز ) موجود
الا ان فروق التوقيت دايما ازمه
ف الوقت اللى اخده عشان يتاكد انها كانت افضل حد قابله .. كانت هى بتكوى جرح قلبها منه ف قلبها

ازل مره اقرالك
بس اسلوب عرضك بسيط و قريب م القلب

Noha Saleh يقول...

بقالك كتير مابتكتبيش انتى فين

amirelhob يقول...

بوست جميل اوووووووووووى

هو يمكن يكون صغير فى الفكره وفى الكلمات بس جميل اوى زكبير فى المعنى

اصل كلنا عشنا لحظات كدا كلنا حبينا ناس كنا فاكرين انهم ينفعه لينا

مدرس او مدرسه بيبقى حب خارج عن اردتنا

بجد معانيه احلى بكتير من انو يبقى بوست فى مدونه

يمكن دى اول مره ليا هنا ويا رب متبقاش الاخيره لان بجد البوست اللى هنا حلويت اوى


ربنا يوفقك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

بنت وولد يقول...

Mona

ميرسى يا منى ربنا يخليكى
نورتينى

بنت

بنت وولد يقول...

كيــــــــــــارا

دى حقيقه و مينفعش نضحك على نفسنا

نورتينى

بنت

بنت وولد يقول...

لـــولا وزهـــراء

لولا
دايما كلامك بيبسطنى
و على الرغم من خلافنا اول مره الا اننا متفقين من بعدها

كل سنه و انتى احلى لولا

بنت

بنت وولد يقول...

محمود(باحث عن حب)

من غير رغى منى و لا تطويل
هيا حبته
و اللى بيحب بيعمل اى حاجه عشان يشوف اللى بيحبه سعيد
حتى لو جه على نفسه

نورتنى

بنت

بنت وولد يقول...

khaitelharir

كلامك و تعليقاتك بالشعر تجنن
و بعدين مرورين فى بوست واحد
ده كتير عليا قوى

منورانى يا قمر

بنت

بنت وولد يقول...

ســـــــهــــــــــر

كلامك جميل و لخص حالته و حالتها كويس قوى

ميرسى لمرورك الجميل

نورتى

بنت وولد يقول...

Noha Saleh

ميرسى يا حبيبتى لاهتمامك
بس مستنيه اشوف ولد حيكتب و لا لاء
لو مش حيكتب انتظرينى قريبا

نورتيننى

بنت

بنت وولد يقول...

amirelhob

كلامك حلو قوى
و فيه تشجيع كبير لينا اننا نكمل
نورتنى و ميرسى ليك

بنت

حياة يقول...

مدونتك عجبتني جدا ..
مميزة وحلوة ..
وقريت البوستات اللي فاتت ..
بجد بتتميز بالواقعية الشديدة وكمان مشاعرك بتوصل أوي ..
واموضوع اللي فات قريته أكتر من مرة ..
تحياتي بجد :)

Ms Venus يقول...

عاقلة اوى بطلة القصة


ردها عجبنى جدا وده طبيعى


القصة واقعية وبتحصل كتير


تحية ليكى عزيزتى

سعيدة بزيارتى الاولى لمدونتك الجميلة

وان شاء الله تتكرر دايما

بنت وولد يقول...

مجرد فتاة

ربنا يخليكى يا قمر و تتكرر زياراتك

و يارب دايما البوست تعجبك

منورانى

بنت

بنت وولد يقول...

Ms Venus

طبيعى تكون عقلت عشان كبرت و نضجت و فهمت

سعيده بزيارتك قوى
و يارب نشوفك هنا دايما

بنت

لــــ زهــــــراء ــــولا يقول...

وانتي طيبة ياقمر...الاختلاف ف الرأي لا يفسد للود قضية (:

لولا

love is life يقول...

جميله جدا القصه رائعه بجد
وهيا فعلا واقعيه وده بسبب
ان الانسان دائما بيبحث عن الحب
وحتى وهوه لسه صغير فممكن فى احاسيس ومشاعر اعجاب وبنحث انها حب
اننا بنكون صغيرين ومش فاهمين
بس محتاجين للحب ولما فعلا بنقدر نفهم الصح بنميز بين الاعجاب والحب
قصه رائعه بجد تسلمى على اسلوبك الجميل والبسيط ده

الغاردينيا يقول...

احسن وبرافووووووو عليها كمان

عشان اتعامل معاها على انها خيار 2 !!

تحية عطره